INTOKAZI enguHonour Zuma, edume ngelikaCyan Boujee, isiveze ukuthi ibisebudlelwaneni ebeyihlukunyezwa kubona.
Le ntokazi ifake izithombe zayo ezinkundleni zokuxhumana imabokoboko, kwezinye ivaleke amehlo, ithi yashaywa ngowesilisa eyayithandana naye. Iqwashise abesifazane ukungahlali ebudlelwaneni uma bebona bubeka impilo yabo engcupheni.
“Uma uthandana nomuntu ozizwa ungaphephile uma unaye, ikakhulukazi uma nixabele, phuma ngokushesha kulobo budlwelwano ngoba uzogcina uzithola usenkingeni,” kusho yena.
Uveze ukuthi ngelanga ashaywa ngalo yisoka lakhe, kwakufike abangani, behleli kukuhle, kanti akazi ukuthi kukhona okusina kumjeqeza.
“Ngangicabanga ukuthi ngizofa ngaleliya langa,” kusho le ntokazi engu-DJ, ubuye ibe yi-influencer.
