IPHINI lesikhulu esiphezulu elimisiwe lase-Ekurhuleni Metro Department (EMPD) uJulius Mkhwanazi lidedelwe nowayeyintombi yalo ngebheyili ka-R5000 umuntu emunye njengoba bebevele enkantolo yeMantshi yaseGoli namuhla ngokulahleka kwamatshe ayigugu.
UMkhwanazi nowayeyintombi yakhe obizwa ngofakazi K kwiMadlanga Commission of Enquir, babhekene necala lokunyamalala kwamatshe ayigugu (Precious Stones) abiza u-R15 million, okuthiwa yibona ukunyamalala kwawo ekumniniwo ngo-2023.
UMkhwanazi uboshwe ngaleli cala lenkohlakalo wuPhiko i-Independent Police Investigative Directorate (IPID) ngolwesihlanu nezinye izinhlaka zamaphoyisa ebezenza uphenyo ngokulahleka kwala matshe.
Uboshwe emva kobufakazi obuvezwe ngufakazi K, oyiphoyisa lakwaMetro eGoli kwiMadlanga Commission of Enquiry odalule ukuthi alahleka kanjani lamatshe, waveza neqhaza lakhe lokunyamalala kwawo.
UMkhwanazi ungowesihlanu kwababoshelwe leli cala lamatshe ayigugu.
Ngesikhathi kuboshwa ufakazi K, uMkhwanazi ubengaziwa ukuthi ukuphi nezinkalo kodwa waze wabanjwa eBedforview ngoLwesihlanu ebusuku.
