KUBATSHAZWA isihluku esenziwe ngowesilisa odubule wabulala abesifazane abayizelamani ababili, maqede wazigqokloza naye ngenhlamvu elokishini iLindelani, eMzinto, izolo ngeSonto ntambama.
Okhulumela amaphoyisa aKwaZulu-Natal uConst Thenjiswa Ngcobo uthe kulesi sigameko, umufi udubule nowesifazane wakwamakhelwane, obephuthunyiswe esibhedlela esesimweni esibucayi.
Uthe kuphenywa amacala amabili okubulala, nelilodwa lokuzama ukubulala, kwavulwa nedokodo ngokufa komuntu.
Namuhla ngoMsombuluko kulindeleke ukuthi uNdunankulu wesiFundazwe uMnu Thami Ntuli ahole ithimba leziphathimandla zemikhakha eyahlukene ukuhlangana nemindeni ethintekile ngenxa yalesi sigameko.
