ISITATIMENDE esikhishwe nguMnyango wezokuThutha KwaZulu-Natal, siqinisekise imibikonyaleli phephandaba, lapho libike khona ukuthi kunokungaboni ngaso linye phakathi kwabashonelwe nalo mnyango.
Leli phephandaba ngoLwesihlanu libike ngokungakwazi ukuqinisekisa kwalo mnyango ukuthi uzikwqzi yini ukuba yingxenye yomngcwabo wabangu-8 abashone engozini yemoto belibangise emshadweni eMandaba, eNkandla ngoMsombuluko.
Izolo lo mnyango ukhiphe isimemezelo senkonzo yomngcwabo walaba abangu-8, njengoba izoba namhlanje eMahlayizeni khona eNkandla.
Ngokwesitatimende esikhishwe yilomnyango namhlanje ekuseni, uMnu Siboniso Duma, ongumlngqongqoshe walo mnyango ngeke abe yingxenye yawo ngemuva kokutshelwa ukuthi kaklbakumelekile emngcwanlbeni kanjalo namalungu omphakathi nawo awamukelekile.
Kulesi sitatimende uveza ukuthi kunesikhulu esithile sakumasipala waseNkandla okuthiwa sitshele imindeni ukuthi mayizingcwabele izihlobo zazo.
“Imindeni iveze ukuthi bayalelwe ngolibamba likaMeya KaMasipala eNkandla uMnu N.F.J. Nzuza ukuthi bangalibhadi enkonzweni enkulu yomngcwabo kodwa bazifihlele bona emakhaya ngabodwana.
Umphakathi nawo uyalelwe ukuthi ungalibhadi enkozweni ehleliwe. Kungokokuqala emlandweni ukuthi umnyango ubhekane nesimo esinjena,” kusho isitatimende.
nonhlakaniphos@ilanganews.co.za
