I-ATHLETICS South Africa (ASA) isimemezele ukuthi umsubathi wakuleli osemncane uBayanda Walaza ngeke esaba yingxenye yamaWorld Athletics Championships azoqala ngoMgqibelo asongwe ngeSonto elizayo eJapan.
I-ASA ithe imkhiphile lo msubathi eqenjini lesizwe ngenxa yokulimala njengoba kuthiwa udonseke umsipha.
Ukuqokwa kwalo msubathi owenza i-100m kuqubule eminingi imibuzo njengoba engene eqenjni evele elimele.
UWalaza, obekubhekwe ukuba enze kahle kwi-100m njengoba enza nyakenye eba ngomunye owahlomula ngendondo kwi-4x100m kuma-Olympics, kuthiwa indawo yakhe isizothathwa nguRetshidisitswe Mlenga.
