UHULUMENI uzoqhubeka noku-qinisa isandla kulabo abaqhuba inkohlakalo nokukhwabanisa ngokuhola imali yesibonelelo ngokungekho emthethweni kuleli.
Lokhu kudalulwe nguNgqongqoshe wezeMali, uMnu Enoch Godongwana, ngesikhathi ethula isabelomali sonyaka ka-2026/27 eCity Hall, eKapa, ngeledlule.
Ethula inkulumo yesabelomali, uthe uhulumeni uzoqhubeka nokuqinisa amatomu kulabo abakhwabanisa imali yesibonelelo (social grants).
Uthe izinyathelo esezithathwe wuMnyango wezokuThuthukiswa koMphakathi, ngohlelo lwezobu-chwepheshe lokuqinisekisa labo abafanele ukuthola imali yesibo-nelelo, seziqalile ukuvuna izithelo.
UGodongwana uthe ngalolu hlelo lwezobuchwepheshe, uhulumeni usukwazile ukubamba abantu abalinganiselwa ku-35 000, abebethola imali yesibonelelo ngoku-ngemthetho, futhi bakunqamula ukuthola kwabo le mali.
Uthi ngenxa yalolu hlelo, uhulumeni ukwazile ukonga imali eli-nganiselwa ku-R3 billion.
Ukubeke kwacaca ukuthi uhulumeni uzibophezele ukuqinisekisa ukuthi le mali yesibonelelo iholwa yilabo abafanele wukuyithola, ngenhloso yokubeseka ngezidingo zansuku zonke.
UGodongwana uthe ngeke baku-bekezelele ukwephulwa kwemi-thetho nokuxhashazwa kwemali yabakhokhi bentela.
Sishayelwe ihlombe ngamaqe-mbu ezepolitiki nezinhlaka
zomphakathi isabelomali sangele-dlule.
