Ilanga News
Home 9 Ezemidlalo 9 Ukhale ngokuhuqa ubuthongo seliyoshona bedliwa yiBucs

Ukhale ngokuhuqa ubuthongo seliyoshona bedliwa yiBucs

by | 9 August 2026

UKAPUTENI weDurban City uSphamandla Ncanana ukhale ngokuhuqa ubuthongo ngemizuzu yokugcina kwezitobha zale kilabhu okubaqhathe nenduku ye-Orlando Pirates.

IBucs, eyizingqwele zeMTN8, iwuqale kahle umkhankaso wokuvikela isicoco sayo iguqisa ngo-2-1 esikhathini esengeziwe iCity ngoMgqibelo ntambama e-Orlando Amstel Arena, eSoweto. Amagoli eBucs kube yiphenathi eshaywe nguPatrick Maswanganyi nelikaGhampani Lungu. EleCity lishaywe nguJean Lwamba.

ICity iqede lo mdlalo ingasaphelele uBrooklyn Poggenpoel ekhishwa ngekhadi elibomvu ngomzuzu ka-35. UNcanana uthi leli khadi elibomvu abalitholile yilona elibaqhathe nenduku.

“Ngikholwa wukuthi sidlale kahle, sazolahla ekugcineni umdlalo ususalelwe wumzuzu ukuthi siye emaphenathini. Kube iphutha lethu, sivele sahuqa ubuthongo ekubeni besibabambile. Nekhadi elibomvu esilitholile lisilimazile,” kusho uNcanana.

Ezisematheni

Bagwetshwe odilikajele abebengaphandle ngoshwele

Bagwetshwe odilikajele abebengaphandle ngoshwele

INKANTOLO eNkulu yaseThekwini igwebe udilikajele uSibongiseni Mkhize (39) noNkosinathi Ndlovu (41) abebengaphandle ngoshwele kodwa babulala umnikazi wepulazi eWaterfall. Iphinde yabagixabeza ngeminyaka engu-20 umuntu emunye ngokugqekeza nokutholakala nesibhamu...

Uzofihlwa ngokohlelo lukahulumeni uDkt Mlambo-Ngcuka

Uzofihlwa ngokohlelo lukahulumeni uDkt Mlambo-Ngcuka

UZOHLONISHWA ngomngcwabo kahulumeni osesigabeni sesibili owayeyisekela likaMengameli uDkt Phumzile Mlambo-Ngcuka (71) oshone ngoLwesihlanu ebusuku. Ihhovisi likamengameli limemezele izinhlelo zokufihlwa kwakhe futhi umngcwabo uzoba se-Eastern Cape ngoMgqibelo. UDkt...