THANDOLUHLE NGUBO
UZOQHUBEKA nemisebenzi ye-ANC kuze kube uthola umsebenzi uMnu Zizi Kodwa (okwesokudla) owayengungqongqoshe wezemidlalo, ubuciko namasiko eNingizimu Afrika. UKodwa usho lokhu ngaphandle kweNkantolo yeMantshi yasePalm Ridge, eGauteng, emuva kokuba (le nkantolo) imemezele ukuthi ihhovisi lomqondisi wabashushisi eGoli, liwahoxise wonke amacala enkohlakalo abethweswe wona. UKodwa ubeboshwe noMnu Jehan Mackay (okwesobunxele), owayengumqondisi wenye yezinkampani zobuchwepheshe okuthiwa yahlomula ithenda yemali engaphezu kuka-R400 million kuhulumeleni.
Bekuthiwa uMackay wagwazela uKodwa ngemali engaphezu kuka-R1.6 million ukuze athole le thenda. Esitatimendeni esifundwe wumbuso enkantolo, ihhovisi lomqondisi wabashushisi liveze ukuthi ngemuva kokucubungula amacala abebekwe laba ababili, linqume ukuwahoxisa ngoba kawanaso isisindo esanele esingenza aqulwe enkantolo. Ligcizelele ukuthi lilandele yonke imigomo yomthethosisekelo wezwe ngesikhathi lithatha lesi sinqumo.Â
