UMENGAMELI Cyril Ramaphosa uthi ukubulawa kuMnu Marius Van der Merwe, owethule ubufakazi kwiKhomishini kaMadlanga ezifihlile, ebizwa ngoWitness D, kuzokwenza abanye ofakazi besabe ukumulema obala, baveze izenzo zenkohlakalo nobugebengu.
URamaphosa ubekhuluma nabezindaba eSoweto, lapho iCosatu igubha khona iminyaka ewu-40. UVan der Merwe udutshulwe wabulawa ngoLwesihlanu ebusuku, phambi komkakhe nezingane zabo, eBrakpan, eGauteng. Emasontweni edlule wethule ubufakazi obushaqisayo kwikhomishi lapho eninde khona inhloko yamaphoyisa kamasipala waseKurhuleni esamisiwe, uBrigadier Julius Mkhwanazi.
“Akukuhle ukuthi kubulawe abantu abakhuluma iqiniso, basenekele amahlazo ngenhlohlakalo nokubola embuthweni wezokuvikela. Lokhu kuzokwenza nabanye besabe ukufakaza. Ngitshele ungqongqoshe ukuthi mabenze isiqiniseko sokuthi kuyaphenyisiswa, babanjwe labo abenze lobu buwane,” kusho uRamaphosa.
Uhlabe ikhwelo lokuthu kuqiniswe izinhlelo zokuvikela ofakazi bombuso.
