UMENGAMELI Cyril Ramaphosa uthi ukuhoxiswa kwamasosha eSADC eDemocratic Republic of Congo (DRC) akusho ukwehlulwa kwawo ngamavukelambuso akuleliya lizwe, iM23.
Uthi lokhu kuyigxathu elibanzi ohlelweni lokubuyisa ukuthula nozinzo kuleliya lizwe. Abaholi beSADC ngeledlule bavumelane ngokuthi abasosha abejutshwe eDRC ukuyosiza uhulumeni wakhona ukuzwa namavukelambuso.
Kumasosha abejutshwe eDRC kubalwa awaneNingizimu Afrika, awaseMalawi, nawaseTanzania. Kuthiwa lawa masosha azohoxiswa ngokwezigaba.
Uramaphosa uthi izingxoxo zokudala uxolo zizoqhubeka kuleli sonto.
