UKUNQOBA ezinkethweni zokuchibiyela kuMasipala waseThekwini nowaseMuziwabantu kunika ugqozi uSihlalo we-IFP KwaZulu-Natal, uMnu Thami Ntuli (osesithombeni), ongundunankulu wesifundazwe.
UNtuli ekhuluma nabezindaba izolo ngeSonto emcimbini wokwethulwa kukasomqulu waleli qembu ePrincess Magogo Stadium, KwaMashu, uthe unethemba lokuthi bazokwenza kahle kakhulu okhethweni lohulumeni basekhaya oluzoba ngomhla ka-4
kuLwezi (November) nonyaka. UNtuli uthe sesadlula isikhathi lapho i-IFP ibiyaziwa njengeqembu laseZululand kuphela.
“Ngikhuluma nawe nje, eThekwini kuwadi 99 okuyindawo esesilungwini sikwazile ukuyinqoba kanjalo naseMuziwabantu, saphinde sanqoba ngesikhathi kunezinketho zokuchibiyela. Nginethemba lokuthi naseMzumbe sizophinde senze kahle kakhulu nasoGwini lapho sibambisene khona ne-ANC, sikwazi ukunqoba amawadi,” kusho uNtuli.
Uthe obekuseqhulwini kusomqulu wabo ngo-2024 okhethweni lukazwelo- nke nezifundazwe kuzokapakela nakomasipala emazingeni aphansi kahulumeni. Uthe kuyamthokozisa ukuthi uhlelo lwesifundazwe olulwa nabokufika abangenamaphepha oluthi, “Ongangeni Ngesango Uyafohla”, luyaqhubeka nokuvuna izithelo.
Uthe bazoqinisekisa ukuthi nomasipala abazobasingatha ngemuva kwalolu khetho bazo- wuqinisa lo mkhankaso. Uqhube ngokuthi inhloso ngalolu khetho lohulumeni basekhaya wukuqinisekisa ukuvuselela umnotho wasemalokishini nasemakhaya
“Kumele sikwazi ukuvuselela umnotho wasezindaweni zasemakhaya nowasemalokishini, abantu bakwazi ukuthola amathuba emisebenzi nezindingongqangi ezimqoka ukuze umnotho usimame kulezi zindawo,” esho
UNtuli ukhuze isihlava sokubulawa kwabesifazane, wathi beyiqembu ngeke bakwamukele ukuthi kube khona ukubulawa kwabesifazane nokuhlukunyezwa kwezingane.
