UTHOLWE enecala lokuqhumisa isibhamu esidlangalaleni umholi we-EFF uMnu Julius Malema. UMalema ulahlwe ngaleli cala yiNkantolo yeMantshi yase-East London, e-Eastern Cape.
Kuleli cala uMalema ubeboshwa nomqaphi wakhe uMnu Adriaan Snyman, okhishwe phambili kuleli cala. Ubufakazi obethulwe enkantolo buveza ukuthi uMalema noSnyman bebesolwa ngokuqhumisa isibhamu esidlangalaleni kumgubo we-EFF owawuseMdantsane ngo-2018.
Babe sebethweswa icala lokuphula imigomo yokusebenza kwezibhamu iFirearm Control Act. IMantshi uNkz Twanet Oliver uveze ukuthi ugculisekile ngobufakazi obethulwe wumbuso, wabuthola bungasetshenziswa. Icala liguqele umhlaka 23 kuJanuary wonyaka ozayo.
