INHLANGANO i-African Movement Congress (AMC) isifake uMasipala waseMhlathuze, okuyiMpangeni neRichards Bay, enkantolo. Ikhononda ngokuthi ukuqoqwa kwemfucuza ezindaweni ezingaphansi kwalo masipala selokhu kwagcina phakathi kwenyanga kaNhlangulana (June).
Amalungu eSouth African Municipal Workers Union (Samwu) angena esitelekeni, ekhala ngokuthi awakhokhelwe imali yamahora engeziwe futhi nezimo zokusebenza kazikho esimeni esihle.
UMnu Ethan Ramkumar uthi umasipala, esikhundleni sokuxazulula izinkinga zezisebenzi ugijime waya enkantolo, ufuna iziphoqe zibuyele emsebenzini, kodwa wachithwa yinkantolo.
Icala elivuliwe lingaphansi koMthetho iNational Environmental Management.
menzi.jele@ilanganews.co.za
