WENZE obekulindelwe ngabaningi kuleli uMax Makhanya okuyalelwe izinduna zamabutho namabutho ukuba baphume inqina ukumthungatha ukuze ezokhuluma eduze nabadidiyeli bamabutho, ngezinto ezithinta iNdlunkulu kaZulu.
Sekungamahlandla amaningi kukhalwa ngezinkulumo zikaMax, ezinye zazo ezingehli kahle kwabeseka indlunkulu yesizwe samaZulu. Ubuyele ekhasini lakhe kuFacebook, wenza inkulumo yokuthi uyaxolisa.
“Sengizwile ukuthi ngiyafunwa. Ngibonile ukuthi kunobaba abathile ababize isithangami sabezindaba ngenhloso yokuxayisa mina.
“Ngiyadideka ukuthi kungani bethi bayangifuna ngoba mina ngikhulume enkundleni yokuxhumana nabo bangikhulume kuyona lenkundla ngenhloso yokwedlulisa umyalezo kimi. Mina ngibeka phambili isizwe uma ngenza izinkulumo.
“Ngiyakhothama kosesihlalweni sobukhosi bukaZulu. Ngiyaxolisa ngezinkulumo zami engike ngazenza. Amaphutha ayenzeka kubona bonke abantu,” kusho uMakhanya.
