UMax Makhanya uthi uma kwenzeka ebulawa, icala lokubulawa kwakhe kuyofanele libekwe phezu kwabadidiyeli bamabutho kaZulu.
UMax ufunwa yiNdlunkulu kaZulu ngemuva kokuba esolwa ngokukhuluma kabi ngayo neSilo uMisuzulu kaZwelithini.
Ube ekhuluma ekhasini lakhe iTiktok okuyilapho khona egaklaze igama likaMnu Sipho Mhlongo, ongumdidiyeli wamabutho, njengomuntu okufanele kubuzwe kuyena ngokufa kwakhe.
“UMhlongo uyena obekhuluma kwisithangami sabezindaba, washo nokusho ukuthi bayangifuna. Uma kungafika abantu nje bangidubule, kuyofanele achaze yena uMhlongo ngokufa kwami. Lona ngumyalezo engiwubhekise kwabomthetho,” esho.
