USEQOPHE iculo ngenkulumo yeSilo uMisuzulu esabalele ezinkundleni zokuxhumana emasontweni adlule ethuka undlunkulu uNomzamo MaMyeni.
Umculi kamaskandi uMphile “Sminofu” Gumede ukhiphe ingoma eyisipesheli esihloko esithi “Emachobeni”.
Kule ngoma, inezinhlamvu ezithi “Angikubekanga lapha hamba uyeMachobeni, thatha izitini zakho lezi uhambe lana, yini le oyakha la emzini kababa, hamba esontweni uyobona uMasango”.
Lo mculi ugqame kakhulu ngokuqopha izingoma ezithinta izigameko ezisabalala ezinkundleni zokuxhumana.
Phakathi kwezingoma akaziwa ngazo, kubalwa ethi “Imali yase-Absa”okuyingoma eyayibhekiswe kwinyanga yodumo uMnu Mabelengwe Ntombela njengoba ayebhekene necala lezinsolo zokukhwatshaniswa kwemali yase-Absa eyayifakwe eBhange lakhe intshontshwe isisebenzi sakulelibhange.
Enye yezingoma eyavelela ithi “Imali yezipikha Mthethwa”.
USminofu uthe lengoma isiphumile online futhi abantu bayayithanda kakhulu.
“Okubalulekile ngukuthi siculele abantu bajabule ngoba uma uyiciko ucula ngezinto ezithinta abantu,” kusho uSminofu.
Mthobisis@ilanganews.co.za
