UMNDENI kaSosayensi waKwaNongoma, uNkz Senamile Masango, usubhalele uMongameli uMnu Cyril Ramaphosa incwadi ucela ukuba ahlonishwe ngomngcwabo kahulumeni wesigaba sesibili.
Umndeni waKwaMasango uthi likhulu iqhaza elibanjwe yindodakazi yabo emkhakheni wezemfundo kanjalo nasekukhuthazeni intsha yamantombazane ukuthi ingahambeli kude nalomkhakha. Uthi ukuhlonishwa kwakhe kuleli zinga kuzophinde kugqugquzele abakulomkhakha obaluleke kangaka.
USenamile obeyi-Nuclear Scientist, uthathwa njengabanye besifazane abamnyama ababe ngumhlahlandlela kulo mkhakha. Ushone esenza iPhD in Nuclear Science. Le ntokazi ixinwe wukugula ngonyaka odlule yaze yaphambana ngokwengqondo ngokusho komndeni wakhe.
Ululamile nokuthe ngasekuqaleni kwalonyaka waquleka ebhanoyini elibangise eGoli lapho bekuyobungazwa khona abafundi abaphase kahle umatikuletsheni. Ushonele esibhedlela esiseGoli, iHelen Joseph ngoMgqibelo ebusuku.
nonhlakaniphos@ilanganews.co.za
