NGESIKHATHI izwe lisazilile ngokudlula emhlabeni komlingisi wethelevishini, uSeputla Sebogodi (63), umndeni ubanga isidumbu sakhe.
Lokhu kuza emva kokuthi umndeni wakhe oseRamogale, Ga-Mathapo, eLimpopo uveze ukuthi usakhungathekile njengoba ungavunyelwa ngisho nokubona isidumbu sakhe.
Umbango ususwa ukuthi kuvele unkosikazi kaSebogodi abanezinyanga eziyisithupha beshadile.
Umndeni ufuna lo mlingisi ayongcwatshwa emathuneni eMakgopeng kanti unkosikazi wakhe nezingane bafuna ayongcwatshwa emathuneni aseSilicon, ePolokwane.
Umndeni uphinde uveze ukuthi ubungazi nokuthi ushadelwe uSebogodi.
USebogodi ungomunye wabalingisi abaqavile kuleli njengoba ezakhele udumo elingisa emdlalweni owuchungechunge iGenerations lapho ayedlala khona indawo kaKenneth Mashaba.
Uke wacula umculo we-gospel wakhipha ne-albhamu.
