SENZO SOKHELA
UDALULA okubaphuthisele ngenkomishi uManqoba “TV” Mngqithi ongumqeqe-shi weMamelodi Sundowns eguqi-swe yiMagesi FC ngo-2-1 kowama-nqamu weCarling Knockout ngoMgqibelo ebusuku eToyota Free State Stadium, eBloemfontein.
IDowns yiyona evule inkundla u-Iqraam Rayners elibeka enethini kodwa igoli lakhe lacinywa ngelikaTshepo Kakora nelikaDelano Abrahams.
Iye kulo mdlalo iyizimfivilithi ukunqoba lo mqhudelwano.
“Sibe neshwa kulo mdlalo, sikuzame konke obekufanele sikwenze ukuwunqoba, kodwa kwangenzeka. Besiwuthwele umdlalo, singena singenile ebhokisini labo, si-khahlelela ipali, basizwa nguno-zinti wabo, uChipezeze (u-Elvis).
“Kuneziwombe ezingangithokozisanga ngezinqumo ebesizithatha uma sesiphambi kwamapali.Kukhona lapho ebesivele si-khahlele khona esikhundleni sokuphaselana.
“Yilezo zinto ezincane, kodwa iqiniso wukuthi abafana bami ba-kwenze konke ukunqoba lo mdlalo. Okuyikhona okusehlulisile, ngamaphutha ama-bili esiwenzile. Okokuqala, besazi kahle ukuthi kakufanele sinike uChirambadare (u-Edmore) isikhathi nesikhala so-kuba afake amabhola ebhokisini lethu, ngoba uyinxele eliyingozi.
“Ngaso sonke isikhathi amabhola uwatshala ebhokisini. Iningi la-magoli abo aqhamuka ngakuyena. Kuba ngama-free kick noma ngamabhola agotshiwe.
“Kasimakanga neze kahle emu-va ngezikhathi ezimqoka. Amagoli abo aqhamuke ohlangothini luka-Chirambadare. Abadlali bethu abawumgogo-dla abebengasihlenga, yibona abasenzele phansi. UMudau (Khuliso) ngikholwa wukuthi bekufanele amuvale uChirambadare.
“Ngeke kodwa ngimugxeke yedwa ngoba kuningi ebesikuhlelile kodwa sangakwenza. Ngiyambongela uClinton (Larsen), isu lakhe lisebenzile. Bayingozi phambi kwamapali, kabakhi amathuba amaningi ko-dwa leli abalitholayo, balibeka enethini. Kangikhumbuli beshweba ithuba kulo mdlalo, kodwa lawa amba-lwa abawatholile bawabeke ene-thini,” esho.
