Isithombe: NgabeBackpagePix
USONGELA amakilabhu asazobhekana ne-Orlando Pirates uRelebohile Mofokeng odlala esiswini kule kilabhu.
IPirates idlulele kwiLast 16 yeNedbank Cup ihlula ngo-3-1 iRichards Bay koweLast 32 izolo ngeSonto ntambama eKing Zwelithini Stadium, eMlazi.
Amagoli eBucs ashaywe nguPatrick Maswanganyi amabili noTshegofatso Mabasa, kwathi eleBay lashaywa nguYanela Mbuthuma.
UMofokeng, oqokwe njengomdlali ovelele kulo mdlalo, uthi kaluyi olubuyayo kweziMnyama kule sizini.
“Wonke umdlalo esiwudlalayo siwuthatha njengowenkomishi, okuyinto eyenza sihlale silangazelele ukuwina.
Sikufuna konke. Sifuna izinkomishi nesicoco seligi.
“Ngiyawadabukela amakilabhu asazobhekana nathi ngoba ngeke kube lula ukusehlula, azothwala kanzima,” kusho uMofokeng.
UMofokeng ukhuluma kanjena nje umdlalo weBucs olandelayo ngoweBetway Premiership lapho bazobhekana khona nomkhaya bayo iKaizer Chiefs ngoMgqibelo ngo-15h30 eFNB Stadium, eSoweto.
