AKAGCINI ngokuqinisa isandla kubadlali beSuperSport United u-Andre Arendse kodwa wenza okufanayo.
U-Arendse usanda kunikwa isikhundla sokuba yinhloko yabaqeqeshi ngemuva kokukhonjwa indlela uGavin Hunt ngeledlule.
Lo mqeqeshi odabuka eCape Town uzosizwa ngu-Onismor Bhasera noGrant Johnsson ophuma kwiBafana Bafana ekhempini yayo.
Le kilabhu izokuba nomdlalo onzima nePolokwane City kwiBetway Premiership ngo-17h45 ngeSonto ePeter Mokaba Stadium.
Kuleli sonto u-Arendse ufake kwiX (Twitter) isithombe sakhe nendodakazi yakhe, eyihalalisela ngokuhlabana ngeziqu zeBachelor of Audiology zaseWits University.
“Ngiyakuhalalisela ntombazane yami. Impumelelo yakho ikufanele ngokusebenza kanzima kwakho,” esho embhalweni obuhambisana nalesi sithombe.
