NGOLWESITHATHU ntambama uNgqonqgoshe weziNdaba zeMali eNingizimu Afrika, uMnu Enoch Godongwane uzokwethula isabelomali saphakathi nonyaka (mid-term budget).
Kulindeleke ukuba acacise ukuthi iminyango ehlukene kahulumeni, iyisebenzise kanjani imali selokhu kube nesabelomali esikhishwe ngoNhlolanja (February). Kuke kwaba nomsindo ngoNhlolanja ngesikhathi uGodongwana ehlongoza ukwenyusa intela efakwa ezimpahleni, iValue Added Tax (Vat), njengoba amanye amaqembu yize eyingxenye kahulumeni obuswa ngokuhlanganyela, ayekuchitha lokhu.
Kuze kwaphoqeleka ukuthi kube nesinye isimemezelo sesabelomali. Uma kwethulwa isabelomali, iminyango ethinta impilo yabantu ngqo, okungowezeMpilo, owezeMfundo, nowezimpesheni, yiyona evamisa ukuhlomula kakhulu.
