UNGQONGQOSHE wamaPhoyisa uMnu Senzo Mchunu kulindeleke ukuba ahlangane nomphakathi wakwaMusi nowasoNyango, KwaNongoma, ngenhloso yokuthola isixazululo empini yalezi godi esidlule nemiphefumulo eminingi.Â
UMchunu nezinye iziphathimandla zomnyango wamaphoyisa bazohambela le ndawo kusasa ngoLwesihlanu. Sekuyisikhathi eside kubikwa ngempi ephakathi kwalezi zigodi, egcina iphazamisa nokufunda ezikoleni.
Ukubhekana ngeziqu zamehlo kwalezi zigodi kwaqala ngemuva kokugwazwa komfundi kwesinye sezikole, kwabe sekuba nokuziphindisela. Le mpi yaze yakapakela nasezigodini.
UNdunankulu waKwaZulu-Natal, uMnu Thami Ntuli, useke wathumela uMfu Thulasizwe Buthelezi onguNgqongqoshe wezokuBusa ngokuBambisana nezoMdabu esifundazweni ukuba ayongenelela. Akubanga nazithelo ukufika kukaButhelezi njengoba le miphakathi isaqhubeka nokusongelana.Â
