UMCULI kamasikandi uSenzo “Ntencane” Zondi ucelele uKhuzani Mpungose kwisalukwazi sakhe ukuthi sihambe namabhadi okugxekwa kwakhe uKhuzani ngabanye abaculi uma bebhedelwa izinto zabo emculweni.
UNtencane udlulise lamazwi ekhulumela abaculi enkonzweni yokufihlwa kukaNkk Cagwe Mpungose (uninakhulu kaKhuzani) namhlanje ngoLwesine.
“Ngiyacela ukuthi ugogo ahambe nawo amabhadi okusolwa kuKhuzani okuthi ngaso sonke isikhathi uma sibhedelwa izinto zethu, sikhombe yena sibe sihlulwa ukukhathalela umsebenzi wethu. Ngikusho lokhu ngoba nami kungangehlela ngolunye usuku njengoba okwamanje izinto zami kubukeka engathi zisangihambela kahle” kusho uNtencane.
Uthe bonke abaculi abalwa nempumelelo kaKhuzani, bakhomba yena lomculi uma behluleka empilweni.
Mthobisis@ilanganews.co.za
