UMENGAMELI Cyril Ramaphosa usememezele izinguquko kwiKhabhinethi yakhe, okubalwa kuzona nokubuyisa loyo oke waba ngungqongqoshe wezokuxhumana phambilini, uNkk Dina Pule.
UNkk Pule usenguNgqongqoshe wezokuThuthukiswa koMphakathi, njengoba engene ezicathulweni zikaNkk Sisi Tolashe oxoshwe nguRamaphosa ngoNhlaba (May). UNkk Pule waxoshwa nguMnu Jacob Zuma ngo-2013, ngesikhathi esengumengameli, ngemuva kokuba ikomidi lephalamende lithole ukuthi wephula imigomo yokusebenza kwamalungu alo.
Kwezinye izinguquko, uMnu Willem Aucamp usenguNgqongqoshe wezoLimo, kanti uMnu David Maynier uthathe izintambo eMnyangweni wezaMahlathi, ezokuDoba nezeMvelo. Kuthiwa izinguquko kule minyango emibili zenziwe ngokwesicelo seDA, eyingxenye kahulumeni wenhlanganisela, iGNU.
Ezinye izinguquko:
- UMnu John Steenhuisen useyiphini likangqongqoshe wezoHwebo, iziMboni nokuNcintisana.
- UNkk Alexandra Abrahams useyiphini likangqongqoshe kwezaMandla noGesi.
- UMnu Jack Bloom useyiphili likangqongqoshe wezaManzi nokuThuthwa kweNdle.
- uMnu Yusuf Cassim, useyiphini likangqongqoshe weMfundo ePhakeme
