UMENGAMELI Cyril Ramaphosa umemezele ukuthi useqashe uMnu Buti Manamela esikhundleni sokuba nguNgqongqoshe wezeMfundo ePhakeme noQeqesho.
Lokhu kulandela ukuthi ekhombe indlela uDkt Nobuhle Nkabane obese kunesikhathi kuneziphakamiso ukuthi axoshwe kulesi sikhundla.
UDkt Nkabane wazidalela isigcwagcwa ngemuva kokuba eholele ophathe iPhalamende ngokuqashwa kwamabhodi amaSETA.
Watshela iPhalamende ukuthi waqoka isigungu esizimele ukuba kube yiso esioka amabhodi alezi zinhlaka kodwa ngokuhamba kwesikhathi kwavela ukuthi akwenzekanga lokhu.
UManamela ubeyiPhini likaNkabane kulesi sikhundla. URamaphosa ube eseqasha uDkt Nomusa Dube Ncube esikhundleni sokuba iPhini likaNgqongqoshe.
UDkt Nkabane ukhiphe isitatimende ebonga uMengameli ngokumthemba ngalesi sikhundla wabe esethembisa ukuthi usazibophezele ekuthuthukise iNingizimu Afrika.
