UNGQONGQOSHE wezeMpilo KwaZulu-Natal, uNkz Nomagugu Simelane, uhalalisele abesifazane abathole izingane kuqala unyaka njengoba ngo-9 ekuseni bese zingu-55. Kuzona ngamantombazane angu-33 nezingane zabafana ezingu-22.
Ukhale kakhulu ngesibalo esiphezulu samantombazane asengabazali njengoba eveze ukuthi kulawa mantombazane kukhona aneminyaka engu-16 angu-4, kube nabaneminyaka engu-17 no-18.
“Kusikhathaza kakhulu ukubona ukuthi izingane ezincane zithola izingane ngalolu hlobo futhi okukhathaza kakhulu iminyaka yobaba balezi zingane,” kusho yena.
Esibhedlela saseThekwini, iMahatma Gandhi Memorial kunentombazane eneminyaka engu-17 ekhuleliswe ngowesilisa oneminyaka engu-26.
Nangokhisimusi kuzokhumbuleka ukuthi ungqongqoshe wayakhala esifanayo ngokukhulelwa kwezingane ezisencane wathi ziningi izinhlaka ezahlukene okumele zibambe iqhaza ukuze kulwiwe nalesi sihlava.
Ingane yomfana ezalelwe esibhedlela esikwaHlabisa ifike emizuzwini emihlanu unyaka omusha uqalile.
nonhlakaniphos@ilanganews.co.za
