USAQHUBEKA ngokuphekwa ngemibuzo uLt-Col Kwazikwakhe Sibiya kwikhomishini kaMadlanga. USibiya uphekwa uyephulwa ngeqhaza alibamba ngesikhathi kutholakala izidakamizwa zenani lika-R2m echwebeni laseThekwini (Harbour).
Ebifakazini bakhe kuvela ukuthi wephula imithetho ayaziyo ngenhloso. Phakathi kwezinto asolwa ngazo wukungaqikelili ukuthi lapho kwatholakala khona ikhonteyina eyayithwele izidakamizwa, kuzungezwa ngentambo ecacisa ukuthi sekuyindawo yesigameko (crime scene).
Kuvela ukuthi waphinde wabamba elikhulu iqhaza izidakamizwa sezisuswa eHabour ziyiswa esiteshini samaphoyisa eSiphingo, ngaphambi kokuba zidluliselwe ePortshepstone lapha ezagcina “zintshontshwe” khona.
Yena uzithethelela ngokuthi konke ayekwenza wayejutshwe ngabaphakathi bakhe abala kubona uColonel Gavin Jacob’s nabanye. Kulindeleke aphinde aqhubeke ngokwethula ubufakazi bakhe ngemva kwesilo sasemini (lunch).
