USIHLALO weRichards Bay uSifiso “Jomo” Biyela wenza isibophezelo esishaqisayo ngomdlalo wabo ne-Orlando Pirates.
IRichards Bay izovovana inkani neBucs koweLast 32 yeNedbank Cup namuhla ngeSonto ngo-15h00 eKing Zwelithini Stadium, eMlazi.
UBiyela ongusihlalo ophinde abe ngumnikazi weBay wenze isibophezelo esishaqisayo ngomdlalo wabo nePirates enkundleni yezokuxhumana IiWatsapp.
UBiyela ubhale umbhalo othi: “Uma besehlula namhlanje, noma kanjani ngizobe ngidlubhe ijezi labo uma sebedlala owamanqamu weCaf Champions League.”
UBiyela ubhala lo mbalo nje kuzokhumbuleka ukuthi iBay ngesizini eyedlule iwashise ijezi yona iBucs ngo-5-4 wamaphenathi koweCarling Black Label Knockout, eMoses Mabhida Stadium, eThekwini.
