UVELE enkantolo yaseNtuzuma ngoLwesithathu u-principal (57) osolwa ngokuthumelela intombazane eneminyaka ewu-13 ubudala imiqhafazo yocansi.
UMnu Khulekani Luthuli uvele enkantolo icala lakhe lahlehliselwa umhla ka-25 kuFebruary njengoba ededelwe ngebheyili kaR4000.
Ngokubika kwe-eNCA le ntombazane iyona eyafuna inombolo ka-principal komunye wothisha ngaphambi kokuthi kuqale lezi zingxoxo ezikhohlakele.
Kubikwa ukuthi ithumbu libhoboke ngesikhathi umzali wale ntombazane upequlula umakhalekhukhwini wayo nokuyolapho ethole khona le miyalezo eshaqisayo.
Kubikwa ukuthi ngemuva kokubona le miqhafazo ube esevula icala njengoba efuna ubulungiswa ngaleli cala.
