UNOBHALA Jikelele we-African National Congress uMnu Fikile Mbalula uveze ukuthi uzothathelwa izinyathelo umholi wayo osesigungwini esiphezulu saleli qembu uMnu Tony Yengeni.
UMbalula obekhuluma eseKhayelitsha eCape Town lapho leli qembu lilungiselela umgubho walo kaJanuary 8, uthe uYengeni uzobhekana nokuqondiswa izigwegqwe ngokungcolisa igama le ANC.
Uthe amalungu aleli qembu abhala imiyalezo ephambene ne-ANC ezinkundleni zokuxhumana azoqondiswa izigwegwe. Uthe leli qembu ngeke likubekezelele ukuba namalungu angazihloniphi izinqumo nemigomo ye-ANC.
Uphinde wakhipha nesexwayiso nakubaholi bezifundazwe abayekela amalungu aleli qembu azenzele umathanda kulezi zinkundla.
Uthe uma ubuholi beziifundazwe bezokushaya indiva ukuphambuka kwamalungu, ubuholi obuphezulu buzothatha izinyathelo.
Kule mpelasonto i-ANC kulindeleke ukuthi imigubhe iminyaka ewu-113 yasungulwa eWestern Cape.
