UMNDENI kaSosayensi odlule emhlabeni ngeledlule, uNkz Senamile Masango, uthi uzofihlwa ngoMgqibelo.
Inkonzo yongcwabo izobanjelwa ekhaya kwaMasangano, esigodini saKwaTshodo kwaNongoma.
Inkonzo izoqala ekuseni ngo-9.
Kuzokhumbuleka ukuthi lo mndeni wawuveze ukuthi ubunesifiso sokuthi indodakazi yawo ihlonishwe ngomgcwabo kahulumeni wesigaba sesibili ngenxa yeqhaza abelibambe emkhakheni wezeSayensi.
Bathi le ntokazi ichithe isikhathi eside sempilo yayo ephakamisa lo mkhakha.
Ushone enza i-PhD in Nuclear Science kanti ubephinde abe nezinye iziqu ezahlukene.
Umndeni wakhe uke watshela ILANGA ukuthi kungenzeka ungangcwabi ngale mpelasonto ngoba ngeke ube namandla okuzifihlela yena ngenxa yokuthi ubengumuntu omkhulu.
