KUPHINDE kwambhedela umholi woMkhonto Wesizwe Party (MKP) uMnu Jacob Zuma emizamweni yokushushisa ngasese ummeli wombuso uMnu Billy Downer nentatheli uNkk Karyn Maughan.
Izolo ngoMsombuluko iNkantolo yoMthethosisekelo isichithile isicelo sikaZuma sokuba kubuyekezwe isinqumo seNkantolo eNkulu yaseMgungundlovu sokumenqabela ukushushisa laba bobabili.
UZuma usola uDowner noNkk Maughan ngokwephula ilungelo lakhe ngokuveza esidlangaleni imininingwane yokwelashwa kwakhe. Inkantolo inqume ukuba uZuma akhokhe zonke izindleko zokulalelwa kwalolu daba.
Bese kungokuka-8 uZuma echithwa yizinkantolo kulolu daba.
UZuma nenkampani yezokuvikela iThales, yaseFrance, bafuna kuhoxiswe amacala ababhekene awo okubalwa kuwona awenkohlakalo nawokushushumbisa imali. UZuma ukhala ngokuthi kuleli cala selihlukunyeziwe ilungelo lakhe lokushushiswa ngokungachemile.
