USOMABHIZINISI osematheni kulezi zinsuku, uVusumuzi “Cat” Matlala, wenqatshelwe ibheyili enkantolo yase-Alexandra, eGauteng.
Ubevele mayelana necala lokuhlela ukubulala owesifazane ayethandana naye, uNkz Tebogo Thobejane, ngo-2023.
UMatlala, waboshwa ngemuva kokuphenywa yiKZN Political Task Team, njengoba uNgqongqoshe wamaPhoyisa omisiwe emsebenzini, uMnu Senzo Mchunu, akhipha umyalelo wokuthi lolu Phiko luhlakazwe.
UMatlala lona, kuthiwa “ungumngani” wosopolitiki, njengoba uMnu Bheki Cele, ngesikhathi esenguNgqongqoshe wamaPhoyisa kuZwelonke, wake wahlala emzini wakhe ePretoria.
Kuthiwa phakathi kokunye okuzovela njengoba kuqhubeka iKhomishana kaJudge Mbuyiseli Madlanga, ukuthi wake “wafumbathisa” uMchunu imali. UMnu Brown Mogotsi kuthiwa nguyena obexhumanisa uMchunu noMatlala, futhi nguyena owadalula ukuthi uphiko oluphenyo ngokubulawa kosopolitiki seluhlakaziwe.
UMchunu uthi uMogotsi umazi “njengeqabane lakhe” akukho okunye okwedlula lokho. UMnu Bheki Cele, uyaphika ukuthi uyazama noMatlala, kodwa kuyavela kuthi babexhumana ngezingcingo. UMatlala, watholwa yizikhulu zoMnyango wezokuHlunyeleliswa kweziMilo, eKgosi Mampuru Correction Centre, ukuthi unomakhalekhukhwini phakathi lapho agqunywe khona.
menzi.jele@ilanganews.co.za.
