WESULE isigubhukane obeyisikhulu sezokuxhumana kwiComrades Marathon Association (CMA), uDelaine Cools. UDelaine uthumele umbiko kwabezindaba ebazisa ukuthi usethi khumu emsebenzini wakhe kwiCMA ngemuva kokuhlala kule nhlangano iminyaka ewu-15.
Kasikho sizathu asibekile ngokushiya kwakhe, kodwa kuzokhumbuleka ukuthi ngoNhlolanja (February) ubebizelwe esgungwini sokuqondisa ubugwegwe yile nhlangano. Kuthiwa waphunyuka kulezo zinsolo ayebhekene nazo.
Abasondelene naye bathi kunabathile ake wabanyathela amakhona, manje asebeyingxenye yebhodi yeCMA. Kuthiwa ubengasasebenzi kahle njengoba ubehlale esolwa, kubuye kubhalwe kabi ngaye nasezinkundleni zokuxhumana.
Kuthiwa ibhodi kayikaze imvikele, okusolwa ukuthi yikhona okuholele ekutheni alilahle phansi ijoka.
