Iqembu Umkhonto weSizwe (MK) Party selimemezele ukuthi usesulise esikhundleni sakhe uDkt Thanti Mthanti obengumgcinimafa-jikelele walo.
Leli qembu lithi umholi walo, uMnu Jacob Zuma, uthole incwadi yokwesula kukaMthanti kuleli sonto, futhi wasemukela isicelo sakhe.
Bekungapheli sikhathi esingakanani uMthanti ehleli kulesi sigqiki njengoba eqokwe nguZuma ngasekupheleni konyaka odlule.
“Isinqumo sakhe sokwesula usithathe ngemuva kokuhlolisisa isimo sakhe nezinto ezimbhekile ezithinta yena qobo neminye imisebenzi ayenzayo.
“UDkt Mthanti uyisebenzele ngokuzinikela inhlangano selokhu isunguliwe. Ubengumholi oqotho ezikhundleni ezehlukene njengoba eke waba ngumdidiyeli weNational High Command eWestern Cape, waphinde waba ngusihlalo wekomiti lezokuxhumana,” kusho uMnu Sipho Tyira, okhulumela iMK Party, esitatimendeni.
