UYISE kaThando Dlamuka, ozakhele igama ngokubonakala ohlelweni i-Isencane Lengane, useveze ukuthi maduze nje iyeza isizini yesikhombisa yalo.
UThembinkosi Thabethe, owaziwa ngokuba nobudlelwano obungebuhle nendodakazi yakhe kanjalo nomkhwenyana wayo uSiyacela Dlamuka, ugxekwe ngabalandeli ngokubuyela kulolu hlelo, njengoba bekhala ngokuthi kalumvezi kahle.
Kuzokhumbuleka ukuthi kulolu hlelo ujwayele ukuchashwa ngenhlamba ngumkhwenyana wakwakhe kanjalo nangunina kaThando.
Abalandeli bakhe bathe kuye makayeke ukulandela ibhodwe eliconsayo aze adele isithunzi sakhe. I-Isencane Lengane idlala kuMoja Love, kuChannel 151.
nonhlakaniphos@ilanganews.co.za
