IZIBOSHWA ezibhale uGrade 12, ngonyaka odlule (2025) ziphase ngo 94,4% kuzwelonke. Lokhu kuvezwe nguNgqongqoshe wezokuHlunyeleliswa kweziMilo, uDkt Pieter Groenewald, eCape Town, ngoLwesibili ngesikhathi ehalalisela eziphase kahle. Amajele aKwaZulu-Natal, iziboshwa zakhona yizona eziqengqeleze phambili, zaphasa zedlula zonke izifundazwe.
Isikhungo i-Usethubeni Youth Centre esisejele laseWestville, eThekwini, iziboshwa ezibhale khona ziphase zonke (100%). Lokhu sekungunyaka we-10 ilandelana, i-Usethubeni ishaya into ecokeme. Bebewu 31, ababhale e-Usethubeni Youth Centre, futhi baphasa bonke.
Ngesikhathi kuhalaliselwa iziboshwa ezenze kahle, eCape Town, uNgqongqoshe uGroenewald, usibalulile isikhungo esisejele iWestville.
Esinye isikhungo iziboshwa eziphase zonke kuso, yi-Johannesburg Female Correctional Centre. UNgqongqoshe, uthe selokhu lwaqalwa uhlelo lokukhuthaza ukufunda emajele, luthela izithelo ezinhle nezibonakalayo.
menzi.jele@ilanganews.co.za.
