ZIYAQHUBEKA nokwanda izigameko zokubanjwa inkunzi kwezimoto ezithwala imali. Sekuqhunyiswe enye imoto, kulokhu esigcemeni sakwaL KwaMashu, eThekwini, namuhla ngoLwesithathu.
Kwenzeka lokhu nje, izolo uMkhuzi wamaPhoyisa KwaZulu-Natal, uLt-Gen Nhlanhla Mkhwanazi, ekhuluma nabezindaba, uthe kuyasolisa ukuthi izigebengu ziba nolwazi olunzulu ngemoto abasuke bezoyibamba.
Ekhuluma emhlanganweni nosomabhizini, eMhlanga uMkhwanazi uthe kubonakala sengathi izigebengu zisuke zinayo yonke imininingwane efana nokuthi imoto leyo izokube ithwele malini, izokube isuka kuphi iyaphi, izohamba kumuphi umgwaqo nokuthi bangaki onogada abahamba nayo.
